جبت لكم بعض من احساس الشاعر ناصر الفراعنه
مرثيته بابنه

مـا أرانـي فاعـلاً فـي الليـل إن أرخـى سدولـه ؟
= مـا أرانـي فاعـلاً والصبـح قـد حــان احتـضـاره

طفلي الـلي مات فـي أول يــوم مــا ذاق الطفـولـه
= عاجلـه سهـم الـقـدر واخـتـاره الله فــي جــواره

طفلي اللي مات في غمضة طرف ما حال حوله
= يــوم عـمـر الآدمــي مــا كــان يـومـاً باختـيـاره

يـا وجـودي يـوم لفّـوا شـاحـب الأكـفـان حـولـه
= مــا تـقـول إلا شـظـيّـة لـؤلــؤٍ داخـــل مـحــاره

يا وجودي يـوم أطالـع فيه , فـي عرضـه وطولـه
= تنتحـر فــي العـيـن مـنـي دمـعـةٍ كنْـهـا شــراره

نفس عيـن آبـوي عينـه بـل ونفـس الـزول زولـه
= وبالأمـاره , فـيـه مــن عمه ( شبـيـبٍ ) كــم أمــاره

جـابـه الله مـثـل هـتّـان المـطـر سـاعـة هطـولـه
= ديــمٍ أحـيــا بـهـجـة أمـــه تـــارةٍ وآبـــوه تـــاره

ويوم شاف الشرّ من صوب آهلـهْ يشعـب ذلولـه
= حطّ دون صدورهم صـدره مـن الرحمـه ستـاره

ومــات تــوّي مــا بـعـد بـإيـديّ لبّـسـتـه نـعـولـه
= مـات تـوّي مـا بعـد سـاويـت فــي ثـوبـه زراره

كـنّ عينـه يـوم مـات تقول : بابـا , ويـش هـو لــه ؟
= يوم تبكـي وأنـت تـدري ميـن أنـا ذلحيـن جـاره !

كلنـا راحــل وخـيـر الـنـاس مــن زوّد رحـولـه
= باغتـنـام الصالـحـات وكــلّ كـسـرٍ لـــه جـبــاره

طفلـي اللـي صوّبـت كبـده قبـل ساعـة وصـولـه
= بنـدقٍ مـن عيـن حاسـد وأودعـت قلبـي طـشـاره

يـا وجـودي مـا لقيـت أنسـب لمـولـودي مقـولـه
= مـن مقولـة : يـا وجـه صبـحٍ تحـرّر مـن خـمـاره

أو ثـغــر بـــرقٍ تـهـامـيٍّ تـبـسّـم فـــي ثـعـولــه
= ضـوح مصباحـه علـيـه يــورّد النـجـدي بـكـاره

يـوم أشيلـه مـا تقـول أشـيـل شــيٍّ مــن نحـولـه
= آتشـمّـم ريحـتـه - مــن فجـعـة القـلـب - بـحـراره

يوم جيـت ألعـب معـاه وغـاب قلبـي مـن ذهولـه
= يـوم مـا شفتـه تبسّـم لـي وأنــا فــي أول زيــاره

قمت أحدث عنه نفسي - والعرب حولي وحوله -
= ليت ما هـو ميْـتٍ ؟ إلا ميـت ! مـا تبغـى استشـاره

اتْخنـقـنـي عـبـرتـي يـــوم آتـذكّــر مـــا تـقـولــه
= عـنـه أمّــه يــوم أنــا فــي ديـــرةٍ مـا هـيـب داره

آتـذكّـر يــوم هــو فــي بطنـهـا يـحـرّك رجـولـه
= وانتعيرّ : لـيـت مــا هــو أقـشـرٍ ؟ لـبّـى الـقـشـاره

كـم سهرنـا معـه ليـلـه كامـلـه مــن كـبـر هـولـه
= ليـن صرنـا نعَـرْف موعـد قومتـه داخـل قــراره

وإن تأخّـر مـا صحـى فـي موعـده قمنـا نصولـه
= ننغـزه يــا مــن يمـيـن البـطـن وإلا مــن يـسـاره

ما نبي شيْ بـسْ نبـي نضحـك علـى ردّة فعولـه
= ننـغـزه ويـفـز خـايـف مــا درى ويــش العـبـاره

مـن يـدي غـيمة علـى أيـدي الملائكـة محمـولـه
= غيمـةٍ مــن نــور مــا تشـبـه نضارتـهـا نـضـاره

يـا إلهٍ كـل مـا فــي الأرض طــراً سبّـحـوا لــه
= شفّـعـه فـيـنـا غـــداً واجـعـلـه لابـوانــه بـشــاره

فــي نـهــارٍ فـيــه أعـنــاق الشيـاطـيـن مغـلـولـه
= يتلقّفـنـا مـثــل مـــا يـلـقـف الـحــاوي صـــراره

حكم وفلسفة جاءت غير مرتبه لغاية عندي :

عشـت فـي الدنيـا وهـي دنـيـا وروغتـهـا عجـولـه
= وخذت منها ما خذا ( عامر ) و ( حاجب بن زراره )

يا فتى خذ من حكـم مـن كـل الأشهـاد اشهـدوا لـه
= حكمـة العاقـل على راس العصـا مـثـل الصـهـاره

المنـايـا مخـلـبٍ فــي كـــفّ نـســرٍ مـــن يـطـولـه
= شـاح بـه شوحـة حصـاةٍ حوّلـت مــع راس قــاره

المـنـايـا مـــن بـغــت يــــومٍ تـنـولــه , ابــ تـنـولـه
= لــو تشـيطـر فــي تفاديـهـا مـهـي لـحـيـة شـطــاره

لـولا تفـريـق المنـايـا ضـولـةٍ مــا شـفـت ضـولـه
= تجتـمـع , يـــا للـعـجـب والـهــول بـــل يـالـلإثـاره

مــوت دولــه , لــوّ مــا يعـنـي لـنـا مـيـلاد دولـــه
= كان ما شفنـا اختـلافٍ فـي حضـاره عـن حضـاره

لا يـغـرّك يــا فـتـى قـفــر تـطــارد بـــه وعـولــه
= كـمّ مــع سـاقـة وعــل قـفـرٍ مـشـت لـبـوة مـغـاره

أخطـر الأعـداء مـن يضحـك وهـو يسـرج خيولـه
= وأخطر الأصحاب من سـرك معـه , وتشـق إزاره

فتكتـك باللـي هـو أضعـف منـك مـا فيـهـا بطـولـه
= البطـولـه أن يـكـن فتـكـك بـمــن فـاقــك جـســاره

قبـضـة السلـطـان مــن لا يـــدّرق عـنـهـا تـغـولـه
= ومـن يعانــدهـا تجيبـه لـوّ فـي بطـون الجحـاره

خـلّ عنـك الجـدّ مــع مــن أمــسٍ آخـذتـم زمـولـه
= مـازحـه ينسى , فـقـد تحـيـي سـويـعـة جـــدّ ثـــاره

مــن يـحـاول أن يـغـيّـر ذو مـيــولٍ عـــن مـيـولـه
= مثـل مـن يسعـى إلــى تغيـيـر نـجـمٍ عــن مـسـاره

في خروج المرء عـن مـا حبّ - مـن قلـب - دخولـه
= سقطـةٌ , والـمـرء لا يـجــدي بـكــارٍ غـيــر كـــاره

الفـشـل وقــت النـجـاح إيــاك تستـبـعـد حـصـولـه
= النجـاح اكبـر فـشـل إن مــا أخـذتـه عــن جــداره

الـقـبـول مـــن الله ولا يَـحـسـد الــمــرء بـقـبـولـه
= غـيـر نــاس مــن حسـدهـا تلـتـوي بذنـيـب فـــاره

كـــم صـديــقٍ بـادّعــاء الـــود صجّـتـنـا طـبـولــه
= والحسـد كـل الحسـد شفـنـا عـلـى وجـهـه اطــاره

نيـة الحاسـد لحـاف أجـرب ولـو جـتـك مْغسـولـه
= مالـه إلا الحـرق لــو بــرد الـثـلاث يـطـق طــاره

كــلّ مــا يخفـيـه ابــن آدم ولـــو حـــاول يـحـولـه
= تظـهـره فلتـة لـســانٍ مـنــه أو مـ الـعـيـن إشـــاره

يــا مــدوّر مرجـلـة مـــن لا مـلــك ذرّة رجـولــه
= يـــا مـــدوّر إبـــرةٍ فـــي قـشــةٍ كـبــر الــزبــاره

إن مـوت الشعـب أن تـرحـل مــن الفـقـرِ عقـولـه
= الفـقـر مــا حــلّ فـــي شـعــبٍ ولا ورّث دمـــاره

حـاكـمٍ مـشّـى علـيـه أربــع مـيـة كـذبـه رسـولــه
= انتـبـه تـصـدق مـعــه مـمـكـن يحسّـبـهـا صـقــاره

كم فضولي فـي العـرب سـاق لـه حتفـه , فضولـه
= كــم طميمـيـعٍ خـسـر ديـنـار فـــي تـدويــر بـــاره

يـوم ولـد الـلاش مـا تطـهـر مــن الخيـبـه همـولـه
= الــرجــال فـعـولـهـا زادت مـلابـسـهــا طــهـــاره

الفحولـه أن يـزيـدك قُــلّ مــا فــي إيــدك فحـولـه
= والحقـاره أن يزيـدك كثـر مـا فــي إيــدك حـقـاره

لا تطـب بـوادي أرضٍ مـا حسبـت حسـاب غولـه
= يـــا كـــلاك الـغــول وإلا يـــا تعـشّـتـك الـنـمـاره

واعرف إنْ ما جـاء بْسهولـه دايـم يـروح بسهولـه
= والصعب روحتـه صعبـه والفتـى راضـي وكـاره

ليس لـ اللحـيـه وهــي بيـضـا عـلاقــه بالكـهـولـه
= إنـمـا الكـهـل الحقيقـي مــن فـقـد معـنـى وقــاره

كــم عـزيـزٍ أورده حــوضٍ مــن الـذلــه خـمـولـه
= والترف في بيت أصحـاب الشـرف يعنـي انهيـاره

بالأُسُـل لا بالكسـل مـا طــال مــن شــيءٍ تطـولـه
= تــدرك الأمـجـاد قـسـراً غــارةٍ فــي إثــر غـــاره

كــــم مـخـالـيـق تهـابـلـهـا ولا هــيــب مـهـبـولــه
= لبّست راس الغبي - مـن حيـث لا يـدري - غضـاره

لا تـثـق فــي واحــدٍ تـرشـح مــن الهيْـنَـه سمـولـه
= الـنـذل يبـقـى نــذل لــو يـرفـعـك فـــوق الـمـنـاره

كــم دنــيءٍ بالفـلـوس اشـيـوخ نـجـدٍ وقـفــوا لـــه
= في رجا مـا فـي يـده مـا يجلـس إلا فـي الصـداره

المـراجـل سـيـل مــن عـنـده مــن الدنـيـا سـيـولـه
= كــم شـريـفٍ مــن فـقـر جـيـبـه يخـلّـونـه عـيــاره

مــا يـنـال الـعـزّ مــن نفـسـه مــن الـعـزّه جفـولـه
= الثـنـا يـوخـذ بـأطـراف القـنـا مـــا هـــو طـــراره

اتّـحـمّــل مــــا يـواجـهـهــا مـنـبّـشــة الـدحــولــه
= فـي الهبايـا مــا يعـطّـل مــن جـمـع بــدوٍ عـشـاره

( المغـولـي ) بالمـسـاواه أعظـمـوا أمـــره مـغـولـه
= ( والـفـزاري ) بالمحـابـاه احـقـروا أمـــره فـــزاره

الـزمـن هــذا كـتـاب جــاء فـــي آخـــر فـصـولـه
= ( شعـب كـامـل قــد تـشـوّه هيكـلـه نـشـوة زقــاره )

الجهالـه فـي تجاهـل مـن عليـك أوصــى جهـولـه
= كـــل خُـلــق بـغـيـر وقـتــه لا أرى فـيــهِ نـعــاره

ليـث واحـد ممـكـن يــدوّخ بـلـد عـرضـه وطـولـه
= وألـف قـرد وقـرد مــا فـكّـت مــن بعـيـرٍ هـجـاره

ليـس مـن شـرط الشهامـه أن تجـاول كــل جـولـه
= أو بـأن تنـــزل بأعلـــى قمـــة رغــم الـوعـاره

فالأسـد يبقـى الأسـد فـي قـاع كــل أرضٍ نـزولـه
= والوبـاره دايـمٍ فـي أعلـى الجـبـل وهــي الـوبـاره

قـل لبعـل السـوء عمـر الضـرب مـا أثبـت بعولـه
= رغـــم لـيــن الـمــاء قـطـراتـه يـشـقّـنّ الـحـجـاره

فــي اقتـفـاء المـجـد تـابـع لا تـكـن نفـسـك ملـولـه
= يـدرك الصعبـات مـن لا نـام راســه مــن عــواره

كـم رجـل مـن زود حـذره نـفـسه الـيـوم مختـولـه
= بل ومن نفـس الشـيَ اللـي يحـذره واخفـق فـراره

واحــدٍ يــزرع بــلا قـصـدٍ وتـثـمـر لـــه حـقـولـه
= وواحــدٍ يــزرع وهــو قـاصـد ولا يجـنـي ثـمـاره

زارع المعروف يرجي من ورا النـاس محصولـه
= ليـس معـروفـه بمـعـروفٍ قــدر مــا هــو تـجـاره

رغم فقـري كـم ولـد نعمـه - غنـي وبخيـر - اعولـه
= لإن أبــوه معلّـمـه كـيـف يْحَـفِـظ قـرشــه مـهــاره

يـا فتـى دوك النصايـح أخذهـا مــا أبـغـى عمـولـه
= استـفـد منـهـا وأفِــد عـلــمٍ أعـرتــه لـــك إعـــاره

خــذه واتركـنـي لأنّ اللـيـل قــد أرخــى سـدولــه
= حــان وقــت مْـعَـاوَدَة مـيـلاد طفـلـي واحتـضـاره

منقول

ومــات تــوّي مــا بـعـد بـإيـديّ لبّـسـتـه نـعـولـه
= مـات تـوّي مـا بعـد سـاويـت فــي ثـوبـه زراره


صح لساانه احزنتني القصيييييييد وخاصه ها البيتين اعجبوني الله يرحمه ويطول في عمر ابوه (:


تقبلي مروري ..

الله يرحم جميع موتى المسلمين




وصح لسان الشاعر



وسلمت يمينج على الإختيار

الله يرحم موتى المسلمين ويرحمنا جميع

المطيريه صح لسان شاعرها

والهنتي على النقل


تقبلي مروري

شاعر بني يام

الله يرحم اموات المسلمين جميعا







تسلم اخوي على النقل

دمت بوووود





غروب المدينه

شكر ورائعه فيها من الحزن والاسى والله يعين

الله يرحم جميع اموات المسلمين

والله يحفظك ويطول في عمرك على الاختيار المحزن الجميل

تقبلي مروري










اخوك

خـارج الـسـرب