السلام عليكم هذي اول مشاركه لي في منتداكم واتمنا ان تنال اعجابكم


ارجعي قلب المولع اشهد انه بك قضى
قبل لا قلبك يجافي وعن غرامي ترحلين

يوم ريضان المحبه في هوانا لك فضى
ارسم الايام جنه قبل لنتي تطلبين

ارخص الغالي عشانك وآتناسى ما مضى
واعطي الايام بسمه خايف الدمعه تبين

ارتجي فيك المحبه وارتجي فيك الرضى
وارتجي هالشوق لحظه قبل مالخافي يبين

في سما العشاق ابرقى واكتم اللي بي لضى
واصرخ ابسمك ونادي ليت بس لحظه تجين

ماسكن هالقلب غيرك واشهد ان غيرك نضى
مملكة قلبي غرامك ياعذاب العاشقين

اتنازل في هواكم كبريائي به شضى
واتقرب فيك لحظه ماني بك كنت استهين

كبريائي ما كسرته كبريائي ما استضى
شمري ما ينحني لك كان قصدك تجرحين

انتي يابسمة حياتي انتي ياشمع استضى
ياربيع القلب انتي ياغرامي والحنين

في غناتي حب بلقى يوم غيري يرفضى
واشتريها ابماي عيني بس للدنيا تشين

اكتب اسمك في قصيدي ولاابي غير الحضى
ياغناتي حب يبقاء في هو قلبي الحزين

ياربيع القلب لحظه هالخطا لا تحفضى
وارسم البسمه ابغرامك وافرج القلب السجين

هاك قلبي بالمحبه وطفي شوقن ما قضى
ورددي كلمة حبيبي يمكن اقليبك يلين





وسلامتكم