هاض الفكر وإستوحش العقل طاريك
تبكي حروفي للـورق يـوم ملقـاك

وقفت أجر الصوت بالليل وابكيـك
وأقعد وأداعـب كـل قافـن بليـاك

أسهرتنـي ياجعـل ربـي يهنيـك
ويرزقك باللي لاقسى الوقت يفـداك

اللي يسخـر كـل قـافن لعينيك
ويبدعلك المعنى علـى فـن وإدراك

اللي يفكـر فـي نعومـت معانيـك
كـل النثـر وقـف أبـد ماتعـداك

دقه ومعنى مـع صفـاوة مباديك
وصدق المشاعر لاغفى الوقت ناداك

ياللي تمخطر بين بحـرك وواديـك
أقعد تدلـع فالحشـى لاعدمنـاك

روحي وقلبي ضمها بيـن اياديـك
وانسى شقا الدنيا ولوعات الافـلاك

ايه اعشقك ياغايت الروح واغليـك
ماهمنـي فالـنـاس هــذا ولاذاك

شفني تراني هايـم القلـب شاريـك
شايف زماني بين رعشـة شفايـاك

والله قمة فرحتـي يـوم الاقيـك
واشوف حبي بين جفنـك وعينـاك

لجلك حرقت اللي كتبته علـى ذيـك
اللي زرعت دربي مسامير واشواك

دنيـا القصايـد كلهـا ماتوفـيـك
لاوالذي كمـل وصوفـك وسـواك

ماغيري أحد في منامه حلـم فيـك
وماغيري أحدن سخر القاف لرضاك

ماغيري أحدن عايشن في رجاويـك
وماغيري أحدن باع الاجواد ثم جـاك

إنكنت تبغاني فانا أهـواك وابيـك
وابغى اعيش العمر من دون فرقـاك

أيه أعشقك مفتون انا فيك وبقيك
مالوم قلبي لوترك غيرك وجاك

وسلامتكم