السلام عليكم
اخباركم
اعلومكم
عساكم بخير
الحمدالله ع كل حال


اما بعد :::

اليوم يبت لكم قصه واايد تأثرت فيها واعتقد انها بتأثر فيكم ..

هاي القصه حقيقه حكتها يدتي حقي ..
بدت يدتي بهالقصه بقصيده كتبها واحد فحبيبته..
وطبعا يدتي مب حافضتنها كلها بس شوي منها ..

انزين هاذي قصه من زمان اول وكان هذا الريال يحب وحده وتزوجها ..
وكان يسير يصيد صوب دبي وجي ويغيب عن حرمته اللي يحبها سنين ..
وفالوقت اللي كان الريال غايب عن حرمته ..
ابو الحرمه طلقها من ريلها بدون علمه وطبعا اول ماكان شي قانون ..
وتزوجت من وااحد ثاني غصبا عنها ..
ويوم رد الريال من دبي .. لقى حرمته متزوجه ...
ومر الوقت ومات ريل الحرمه وبقت هي بروحها ...
وبعده ريلها القبلي يحبها .. ومن كثر مايحبها ..
هو وهي كانوا خلاص شواب .. بس رغم هذا كله ..
راح هالريال اللي كان زوجها قبل عند يدتي ..
وقال لها : ابيج تقولين حق الحرمه اني ابي بس اشم ريحتها وارقد يمها واكون قربها ..
وروحت يدتي عند هالحرمه وسالتها اذا عادي يتزوجها مره ثانيه.
قالت الحرمه : خلاص اللي فات مات وهذا اللي كتبه الله ....
رد الريال عند يدوه بعد اسبوع وقالها شو ردت عليج ؟؟..
قالت يدتي : ماوافقت ..
قال الريال : بوصيج وصيه. اذا مت دفني قبري وقبرها عدال بعض ,ويوم القيامه بتضهر شيره من قبرها ومن قبري وبيلتفن مع بعض ..

وخلصت القصه ..

تدرون شو حسستني هالقصه .. اني مااحب صدق الناس أللي احبهم ..
لازم احب بأخلاص وتضحيه ..

وان شالله كل من قرا هالقصه وصلته المعلومه اللي ابا اوصلها حقه ..
انكم اذا حبيتو حبو حب وضحو عشان اللي تحبونه وواجهوا كل شيعشان خاطر اللي تحبونه وبعزمكم وبصراركم بيتحقق اللي تبونه ..

ويوم القيامه بتضهر شيره من قبرها ومن قبري وبيلتفن مع بعض<< هههههههههههههاي

قصه رووووعه بس حززينه ): على العموووووم سلميني على جدتك الله يخليهااا لكم ..

تقبلي مروووري (:

شايفه




تسلمين على نقل القصة




والله يطول بعمر يدتج

شايفه وعايفه مشكزره قصه في قمه الروعه
تحياتي فيصل

هههههههههههههههه القصه روووعه الله يخليهاا لكم تحياتي