بسم الله الرحمن الرحيم
اقرب ياشعري تكفى رايح على وين=لادارت الدنيـا وجـارت بليـلـه
لاضاق صدري ادبل البيت بيتيـن=يلعب بي الهاجوس في كـل شيلـه
الناس واجد عدّهـا فـي ملاييـن=والطيّبه قلـه فـي شـب الفتيلـه
والطيّبه تنشـاف فالعسـر والليـن=تعرف معادنها فـي وقـت الثقيلـه
عزي لمن فعله في كـل المياديـن=لاضاق بالـي رحتلـه واشتكيلـه
اكن له حبـي صعـوط المجانيـن=اهل القنـا والنعـم عـز الفصيلـه
والناس تعشق فعلكـم يالسلاطيـن=كـم الفعـول الطيبـه ترتكيـلـه
والطيب وكرن ساكنينـه شياهيـن=اهل الفعـول الطايلـه والاصيلـه
سوق المراجـل غاليـه فالملاييـن=والي بها فالطيـب ياجـد حصيلـه
وهل الردى ماجات بيـن الوفييـن=اهل الفعـول الناقصـه والرذيلـه
هذي بكفه وذيـك بيـن الموازيـن=اهل المراجـل فالعلالـي طويلـه
هذي البضاعه تختلف طيبن شيـن=بين البضاعه.. الجيّده هي القليلـه
المرجله ماهي بقرشـن ورنجيـن=والله مايرقـى لهـا طـول ليـلـه
انكانها جتنـا ياربعـي الفطينيـن=ماعـاد تلقـى للـردى اي وسيلـه
الناس تقسيمه ضعـوف ومساكيـن=في كل بيتن تختلـف لـه فصيلـه
هذي النصيحه دارجـه فالشراييـن=ابعـد عـن الدجـات والحنثويلـه
تمت وبسم الي مكمـل لنـا الديـن=محمد سيـد النـاس راع الجزيلـه
وسلامتكم
.:: إعلانات الموقع ::. 
((الطـــيّبـ ــه)) 
العرض العادي
