( الفرح قصيدة ، الحزن قصيدة ، العتب قصيدة ، التغزل قصيدة ، المدح قصيدة ) ..

القصيدة حالة ـ

بهذه المحاولة أنثر أحزاني .. فتقبلوا مني هذه القصيدة ..

أرجو النقد من الأستاذ يوسف ..
وإخباري بالأخطاء حتى أتجنبها ..

وبانتظاره على أحر من الجمر ..

مشكور أخوي يوسف على تشجيعك وردك الذي تتباها به مشاركتي ..

بخصوص اللحن .. بصراحة ما عرفت ..

أنا اللي سويته إني كتبت تفعيلة بحر الهجيني ..
فاعلاتن فاعلاتن فاعلاتن .... فاعلاتن فاعلاتن فاعلن +حرف

يعني كذا ..

/0//0/0 /0//0/0 /0//0/0 ........... /0//0/0 /0//0/0 /0//0 ـ
مر رعا مو خل لعن نع يو نغا يب ......... را حلل لي جا هوب لح ظة خذا هـ

بس مدري طريقتي في التقطيع صح أو فيه بعض الأساسيات في التقطيع أكون تجاوزتها
ولا عرفتها ..


سؤالي : إيش المقصود باللحن .. يعني سرعة التنفس أثناء الغناء بالشطر أو تقسيم مخارج الأحرف
لحرفين و3 أحرف بمعنى سبب ووتد /0 + //0 زي كذا ..

بعدين سؤال أهم وبأمانه جاوبني بصراحة أخوي يوسف ..

واحد قالي إنه اللي ما يعرف يوزن عمره ما راح يتعلم الوزن لأن الوزن موهبة ..
بس في الحقيقة أنا بديت أكتب الشعر من سنة .. واللي كنت أكتبه عبارة عن ثرثرة مقفاة فقط ..
ما كنت أعرف إيش يعني الوزن ..
والحين بعد سنة وبعد الإطلاع المكثف للشعر والمتابعة تحسنت كتابتي بشي أنا راضي عنه ..

في البداية قصايدي الأولة كانت عزيزة ولها قيمة عندي بس بصراحة بعد ما عرفت إيش يعني الوزن بالتفاعيل .. صرت أستحتي منها .. لا معنى ولا وزن ..

عشان كذا أرجوك تجاوبني بصراحة عن مسألة الوزن .. هل ممكن أتعلم صح وإلا مستحيل زي ما سمعت ..

أكرر شكري لذاتك ..

شكراً أستاذي يوسف ..

لكن هل التلحين قبل كتابة القصيدة أم بعدها ..

بمعنى عند كتابة الشطر واختيار الكلمات .. الكلمة اللي تكون في بالي تقريباً إللي هي كلمة القافية
تكون شبه معروفة مسبقاً ..

أما كلمات بافي الشطر اللي أستخدمها عشان توصل المعنى اللي أبيه شلون اختارها على اللحن ..

مثلاً :

أول أحسب ان الغلا ضحك ومزوح ..

هذا الشطر الأول / ضحك ومزوح صارت مدخل للشطر التالي ..

سمرة سوالف بين مركا ومسباح .. يعني جلسة وفيها كلام وضحك ومزح ..
وكذا كملت المعنى ..

لكن بالنسبة للوزن / لو استخدمت كلمة جلسة بدل سمرة ..
يعني كذا
جلسة سوالف بين مركه ومسباح ..

هنا تقريبا يختل الوزن على حسب طريقتي بالتفاعيل ..
اللي أبي أعرفه .. يصير التقطيع كذا ( جل ستس وا لف ) تطلع من مستفعلن .. وتصير فاعلاتن ..


شلون أعرف إختلال الوزن عند إختيار الكلمات اللي توصل المعنى من اللحن مو من التفاعيل ..

لو أفهم بس كذا ساعتها والله م راح أعرف شلون أشكرك ..

دمت بكل الود ..

مشكور مشكور أخوي يوسف ..

بصراحة والله شكلي بديت أفهم ..

راح أحاول الكتابة ع المسحوب والهجيني إن شاء الله إلين أحس إنه الكتابة صارت تلقائية ..

بس المشكلة إذا إعتمدت على اللحن قبل كتابة الشطر

أسج في وزن الكلمات ويضيع مني المعنى ..


شي آخر ولا عليك أمر ..

هل هذه الخاطرة تعتبر شعر تفعيلة ؟ ..
قبل شوي قعدت أدندن وطلعت معي هالكلمات ..
فهل تعتبر شعر تفعيلة حتى أكملها والا اعتبرها
كلام قلب وسج ..

ـــــــــــــــــــ

لا تذكّرني بحبك ..
أنا ذوبني الحنين ..
................................. وان نساك قلبي ؟
كيف ينسى الأنين ؟.

داخلي كلمة " أحبك "
تبكي عليك ..
تذكر عيونك ..
ما نستها من سنين ..

قلت راجع أنا راجع ..
إنتا راجع ؟؟
............................ بس قولي راجع لمين ..

ــــــــــــــــــ

ومعلش أنا عارف إني تعبتك .. بس إنت اللي معشمنا بطيبتك ووقوفك مع المبتدئين ..

دمت بود عزيزي ..