..*.*..


الســلام عليكم أحبتي الكـــرام

أبيـــات حضرتني اليــوم وحبيت انقلهــا لكم

ونتمنى انها تعجبكم

تقــول ..


..*.*..


مهما تغيب وتبتعــد مهمـــا تــــــزودني جفـــا
ما ينتهي فيني شـعورٍ لك مثــل زخ المطـــــر


عشقـــي يزيد بغيبتك والشوق ماعمره خفـــا
بالعكــس كلمـا يفقدك يزداد وفي ،جوفـه قهـر،


والصبر ناويـني دهـر مامــل من قولة: "كَفـــــا"
طـول الوقـت جالس معي صبرٍ ولكنـه صبـــــر


طفلٍ يتيم وكلمــا دمــع علــــى صـــدري غفـا
كسّر مجاديف الحزن فيني ونسانـــي الكــدر


ليـن يغزيني الأمــل "ياحــــي زولــه لا لفــــــا"
ماغيره يهدي وسع ضيــقٍ بأنفــاسي انتثـــر


طيّب خـفوقٍ ميـتٍ حيـــره ولا مــســــه شفـا
حاضر ولكنــه معك ماكـــن عمــره بي حضـــر


يندب بحظٍ مثلـــجٍ مايعــرف بيـــومـــه دفــــــا
يبكــي على حالـه ولا منه عــوى لام القــــدر


نفســه وحيــده والفرح في داخلـه ضيٍ طفـا
من حرقتـه ودعني موصي تشهد واحتضــر..؟


عــزاه يـاروحٍ تـــردد .. "مـن غـــــــيابـه مكتفــا؟"
طـوّل عليّــه من هـذاك اليـــوم له شهر و شهر


شيٍ واكيـده من شـــفايا منطقـي جالك صــفـا
لو طال عمري ؟في غيابك اشهد ان عمري (قصـر)



وسلامتكم


تقبلوا تحيــاتي الخالصه لسموكم


..*.*..