لا صـار مـا شاربـك يدفـع عـن اللحـيـة=شوري عليك احلق اللحيه مع الشـارب
عـن الـردي كـان مــا رجـلـك بمنتحـيـه=لآبــوك لآبــوه لآبــو طبـعـك الـخــارب
ومن الـردي كـان مـا نفسـك بمستحيـه=منك الهـرب خيـر مـا يستعمـل الهـارب
بيـضـة نـعـامٍ (بـخـب النـقـع) مـدّحـيـه=مشكوك في وضعها يا سعيد بـن زارب
لـو قـام يِرحـي عليهـا الهاشمـي رحيـه=القـول فـي اصلهـا المزعـوم متضـارب
راحت علينا عقب ما اخطت بني شحيه=لو كان مـن دونهـا كـل اشـوسٍ حـارب
احيـه علـى مــا يـقـول الطيبـيـن احـيـه=وتـشـوف متبـاعـد الـداريــن مـتـقـارب
صيّـور مـا هضبـةٍ فـي الأرض مطّحيـه=ليل الغرق , ما ينجّي من الغرق قـارب
لا والـذي فـي المدينـه مـا كـذب وحـيـه=سـوّ الدهـر مـا تـرك حبـلٍ علـى غـارب
صفحـات الايـام مهـمـا تـطـول ممحـيـه=لو سقـت منهـا خبرهـا فـي ظهـر دارب
لـي هرجـةٍ مــن عـلـوّ الـقـوم ملتحـيـه=اليـا كــرب محـزمـه مــن قـدّهـا كــارب
يـورب لهـا كـل مـن عـوّد عـلـى لحـيـه=سـدّ الـبـلا لقّـبـوه مــن الـوجـع مــارب
لا صـار مـا شاربـك عقّـب عـن اللحيـه=شوري عليك ازلط اللحيه مـع الشـارب