أدم الحشا يا عشير الغانمين ادمه=صبي علي الشقا يا راويه صبي
لا شفت انا زين غيرك قلت : يا قدمه=ولا شفت زينك صرخت وقلت يا ربي
في ذمتي ما تنوخ نزوتي كدمه=لو كان مِن دل سلمى ما حرش ضبي
يا شبه وضحا مع البدوان منعدمه=في دربها مخلب العشاق يلعب بي
اقول : خدمه؟. ولا هي سالفة خدمه=هِبي علي وان تغيّر نوّهم هَبي
بيت الشرف لوّ ما تلبس ولا هِدمَه=بأسود شعرها عريّ الجسم متغبّي
أشكالها في قصور الملك منعدمه=إلا الذي في عدن حطه لنا ربي
منها بروحي جيوش البين مرتدمه=وفي القلب منها الهموم تطوف وتلبّي
بي صدمةٍ فيك الا يا كبرها صدمه=منها معاد اقدر اسرّب ولا اسبّي
بيوت الا بيوت العزّ منهدمه=لو في حسن دورها تلّ الهوى لبي
لو دونها السود مرتدمه ومحتدمه= الله جعل بين ايادي مكرها طبي
ما عاد عنها نحاني واحدٍ فدمه=لا ارضى بسبّه ولا هوراضيٍ سبّي
لو نفسه من السوايا السود منّدمه =هو واللي اغووه ما جوا في وسط عبي
يا قوم لو كان فيه من الوفا أدمه=يقصر عن مجاكر الاجواد في خبّي