يا مشبّب يا مشبّب طاب راسك يا مشبّب = حي ابو مجناك حيه يا فخر كل آل عاصم
فيك يوم اقفيت يا ذروة هل الطبع المحبّب = افتخر بك وانتخي بين العواصم والقواصم
ذا مشبّب من بني عاصم هل الرمح المدبّب= لا غدت من جورها عوج القرى مثل العواصم
آتنشّق ريح طيفك لا عرفته وآتلبّب = وان ذكرتك في الجموع اشوش من دونك واخاصم
من نقا فعلك معي قمت اتحرّى واتسبّب= شوفتك والله ولا شوفة هل الملك اللغاصم
من بني قحطان لا قام العرق منا يتصبّب = فزعةٍ لا عوّدت بين السواعد والمعاصم
كل فعل غير فعلك لو صدق معنا متبّب = فزعتك جت يوم كل فعلٍ وله في الناس فاصم
كان انا مسحور بسمك حالف اني ما اتطبّب = ما نسيت فعولك اللي مثل هضبات العلا صّم
يوم غيرك من سلف عرضه على ارضه تكبّب = ما وصم عرضك من الحمر الحمير البيض واصم
لو تهبّب سيّدٍ من سيّته مهما تهبّب = عن مشبّب تقصر افواه الرياجيل وتلاصم
لو ركض من دونهم من دوّر العيب وتخبّب= ما لقى في آل عاصم من علوم الشين قاصم
قالوا العربان من يبغى المعايير يتضبّب = بس لا يتعب ذلوله من ورا القوم آل عاصم