كــل مــا فـاضـت عـيـوني نـجر ابـن حـربان دنّـا=فــي ضـلـوعي يـسمع الـلي مـن ورا بـغداد دنّـه
يــوم ابــن مـدعـث لـنا سـن الـوجود الـحق سـنّا=وا فــوادي كــن دود الارض يـرعـى فـي مـسنّه
وا فــوادي لــو تـضـنّى يـابن مـدعث مـاتـضنّى=كــنّّـه الـمـجـدور عــقـب الــجـور مــرمـيٍٍّ بـعـنّه
اشــعـل الـتـنـباك مـــن خـلـقته مــا شـبّـه وكـنّـا=مـيـر كـنّّـه مــن عـجـاج فــاح مــن صـدره يـكنّّه
وا وجــودي وجــد مـنـهو عـض بـابهامه وحـنّّا=واحـــدٍٍ شــاف الـثـلاث الـبـيض ســودٍ مـسـتجنّه
شـــاف قـــدّام الـخـيـام خـشـيـف ريـــمٍ مـرجـهنّا=وثــوّر الـبـندق يـبي صـيده وراغ الـخشف عـنّه
اطـلـق اربــع عـقبها اربـع ثـم سـمع صـوةٍ يـونا=واثـرهـا امــه صـابـها طـلـقه و طـار الـعقل مـنّه
واتـهـمـوه بـذبـحـة امـــه لـيـلـة الـعـيـد وتـجـنّا=اتـهـمـته الــنـاس و صــدوف الـمـقادير اتـهـمنّه
قــالـوا اخــوانـه تــرا مـنّـا بـمـنك ولا انــت مـنّـا=يــفـرق الله بـيـننا و بـيـنك عـسـى مـالـك مـظـنّه
لــك ثــلاث ايــام مـن ذلـحين و ارحـل مـن وطـنّا=عـقـبها تـخـطر عـلـى راســك مـضـاريب الاسـنّه
ودّع مـريـتـه وتـــو بـنـتـه صـغـيـره مـــا تـحـنّـا=تـوهـا ام اربــع شـهـور و فــي لـحمها زودلـنّه
ركـــب غــوجـه و انـقـلب قـبـله بـلـيلٍ مــا تـونّـا=والـحـمـايا مـــن خــلافـه ارخــوا حـبـال الاعـنّـه
الــمـطـايـا و الــسـبـايـا مــــن خــلافــه عــمـدنّـا=والــمـنـايـا ســـجــدٍ قـــــدام عــيــنـه يــحـتـرنّـه
كـــل مــا عـنّـز عـلـى قــومٍ وطــن الــراس طـنّـا=قـالـوا اذلــف ذابــح امــه لـعـن ابـونـا لـو نـحنّه
ذابـــح امـــه لـــو زبــنّـا عـــدّه انّـــه مـــا زبـنّـا=لــعـن ابـــوك بــيـوت قـــومٍ ذابـــح امــه زبـنـنّه
الـجـمـالـه مــــا تـجـمـل فـــي ولـــد حـــرٍ تــدنّـا=مــيــر دوّرغــيـرنـا وانــحــش بـقـلـبك لا نــدنّـه
وانـقـلب مــن عـنـدهم كـنّـه عـلـى مـحـماس بـنّا=يـمـة اهــل الـغـوص عـجـلات الـركـايب وجـهنّه
ركـــب بــابـور الـبـحـر و دمــوع عـيـنه يـذرفـنّا=فـــــوق خــــدّه كــنّـهـن اذواد بــــدوٍ مـرثـعـنّـه
يـــوم حـــل الـلـيـل اشــرعـة الـسـفـينه دودلــنّـا=و الـهـبـايـب مـــا يـخـلـن مـحـبـلٍ مـــا دودلــنّـه
قـــام ربّـــان الـسـفـينه قـــال يـــا نــاس امـتـحنّا=قـومـوا ادعــوا ربـكـم عــلاّم مــا وســط الاجـنّه
قـــال شــيـخٍ مـنـهـم الا عــنـدي الــراي الـمـطنّا=ضـحّـوا بـواحـد عـسـى الله يـنـقذ ايـديـنٍ رجـنّـه
و طـاحت الـقرعه عـلى الـلي ذابـح امّـه مـا تـتنّا=ثــم رمــوا بــه فــي ظـلـمات الـبـحور الـمستكنّه
و ادبـحـوا عـنّـه وهــو فــي غـبّـة الـمـوج يـتثنّا=ثم عرض له من وحوش القرش جرجورٍ و صنّه
عـض جـرجور الـبحر سـاقه و صـايح و استجنّا=ابــك لــولا الله كــلاه الـقـرش مــا يـسـلم مـطـنّه
وفــي ديــارٍ مــن بــلاد الـهـند بـين انـسٍ و جـنّا=مــن فـضل ربـي عـليه اطـراف الامـواج احـذفنّه
ومـثـل مــا قـبـل امــس مـتهومٍ بـذبح امـه مـعنّا=اتــهـمـوه بــذبــح ســلـطـان الــبـلاد الـمـطـمئنّه
و فـي الـسجون المظلمه خمسة عشر عامٍ قضنّا=مـــع ثــلاث مــا قـضـنّ الا عـقـب حـالـه قـضـنّه
لا ســمـع ورقـــا تـغـنّـي جــر مـسـحوبه و غـنّـا=وكــل مـغـنى يـزعـجه غـصـبٍ يـجـي تـاليه ونّـه
ولا طــرتـه بــيـوت قـــومٍ فـــي الـخـلايا يـرفـعنّا=دار دولاب الــدبــا الــدالــوب دولابــــه و زنّــــه
وكـل مـا بـرقٍ سـرى شـرقٍ صـدوق الـغيث شنّا=كـــن قـلـبـه فـــوق ســبـق طـيـور بــرٍ شـطـرنّه
عــقــب مـــدّه جـــاه مـــن داره نــذيـرٍمـرثـعـنّا=قــــال انــــا جـيـتـك بـعـلـمٍ والله انّـــه والله انّـــه
حـرمـتك مـاتـت لـهـا عـشـر سـنـواتٍ قــد مـظـنّا=و الـبـنـيّه مـعـمـسٍ تــقـرع عـلـيـك قــراع شـنّـه
عـمّـهـا عــزّر بـهـا فــي وســط بـيـته مــا تـهـنّا=خــادمــة نــسـوانـه الـثـنـتـين و الــلـي ضـيـفـنّه
ثـــم زوّجــهـا لــبـو سـبـعـين عــامٍ مــا انـقـصنّا=شـايـبٍ يـطـرب خـفـوقه لا سـمـع لـلـقرش رنّــه
يــوم سـمـع هـروجهم فـاضت عـيونه و ازحـرنّا=وســط سـجـنه كـنّّـه الـلـي سـاكنٍ لـه فـي مـجنّه
قــال يـا ربـعي افـزعوا لـي مـن سـجونٍ غـيضنّا=و قـبـر قـلـبي الـدمـدم آغــادي يـديـكم يـظـهرنّه
قــالـوا انّـــا وش لــنـا انّــا والله انــه مــا شـحـنّا=غــيـر بـنـتـك ولا مـثـلك مــا قـربـه بـقـرب جـنّـه
وانــتـحـوا وعــيــون قـايـدهـم جــنـوبٍ خـايـلـنّا=وهـــو ورا سـجـنـه عـيـونـه كــل نـجـمٍ خـايـلنّه
وعـقب عـامٍ مـن مـجي ربـعه و سـنٍ عـض سنّا=اعــفـوا الـكـفّـار عـنّـه مــن عـقـب ســودٍ دهـنّـه
يـــوم فـكـوا قـيـد رجـلـه وانـطـلق خـاطـره مـنّـا=و انـفـلـت يـبـغى ديــارٍ مــن ورا نـجـد اشـحـننّه
حـــث ســاقـه مـــا يـشـوف الا بـنـيته يــوم قـنّـا=مـن عـقب عـشرين عـامٍ فـي وطـن قـومٍ مـصنّه
ومـن ردى حـظه نـهار اغـضن عـيونه و ارقـدنّا=فــز مــن نـومـه عـقب عـضّه حـنش دابٍ بـسنّه
ومــن اثـر سـم الـحنش يـونس ضـلوعه يـطبخنّا=و طــاح عــزّي لـواحـدٍ ســود الافـاعـي طـيـحنّه
يــــوم اهــــو فــكّـر ولا فــوقـه نــجـومٍ يـبـرقـنّا=وشـــاف بـكـيـة بـنـته الـلـي جــا يـبـيها بـيـنهنّه
قـال يـا نـجوم الـسما تـكفين روحـي صوب اهلنا=عـلـمي بـنـتي عـن الـلي صـاب ابـوها واسـتسنّه
اشــهـد انّــا مــا بـحـلنا فــي الـلـيالي اشـهـد انّــا=مـيـر حـظـي خـانّـي ثــم مــات مــا بـه مـن يـقنّه
ذاك وجــده وجــد حـالـي فــي وطـنّـا مـن عـطنّا=مـــن هـنـوفٍ خـدرهـا بـيـض الـهـنادي يـحـتمنّه