يا سحابٍ بارقه مـن مــــــدايـن شـرق نـاض=في عيوني من مشاكي مصابيحـه ومـيـض
كنّ تسبيح الرعد في شقوقه يـوم هـــــاض=تمتمة سبع المثاني علـى راس الــمــريـض
كوثرٍ من كوثرٍ تـــحت ظـل الـــــــعـرش فـاض=ملمس الزملوق من ماطره ملمس غضيـض
جعل شهلوله يديّـم علـى هـاك الحــــــيـاض=وفي الثرى طشاش وبله يفيض ولا يـغيـض
لين من مدة يده ينتشـي عشـب الفــــيـاض=وكل سيل منـه محنابـه الأقصـى يــــــفيـض
من شخاتيره عقيم الشجر جـاه الــــمخـاض=وام سالم مـن طربهـا تبادلنـا القريــــــــــض
دار غروٍ في حمـر شفتـه مـــــــثـل الشـواظ=من سنا نجمٍ لهـب نـاره الحمـرا يـــــــشيـظ
في هدب عينه سـوادٍ وفـي قلبـه بـــيـاض=آبـأحبه لين ناقة هـل العـارض تبــــــــيـض
من سحر طيفه جنوبي من اللهفـه تجـاضّ=وللضلوع العوج من حاتميّ اسمه جضيـض
في عيونه للمنايا يا ابـن زيـد انقــــــــضـاض=جادلٍ حسنه لكلْ صاحبـة حســــنٍ يغيـض
آه يـا قلـبٍ غـدا مـع مكحّلـة اللــــــــــــحـاظ=مثل سرّاي السُرى بين غيظ وبــــيـن فيـض
الغبي من لا اتّعـظ مـن محـاجـره اتّــــــعـاظ=كم رجع من سيف رمشه كريمٍ في الحضيض
في الصدر منه انبساطٍ وفي النهد انقـــبـاض=فوضوية جسمه اعطت لكلْ شـيءٍ نقــــيـض
منه في الردف ارتفاعٍ وفي الخصر انخـــفاض=عالم الجسم الخرافـي لكـلْ دالـه يــــــهيـض
ليس من نوع الطوال الطوال ولا العــــــراض=في تمرّد ردفـه اتعـب مجزّبـة الغــريـــــــض
مـــــــن هوى فضيّ الاطـراف تبـريّ (.....)=لو معَ نوح النبي مـا ينـجّـــــ،ينـي الفضيـض
من مراده يرجع القـوم خاليـن الوفــــــــاض=عضّ اصابيع الندم شيخهم واقبل عضيـض
كلمةٍ بآقولها مـا يجـي فيهـا اعــــــــتـراض=صاحب شيـخ الغناديـر بالبنـط الــــتعريـض
جـادلٍ مـا حاشـه الا الرياجيـل الـــــحظـاظ=واشهد اني بالغضي يا هل الروضه حظيـظ
كم علـى سلمـى يسالـم تمنينـا الحفـاظ=مير ما للشيّ إلـى مـا حفظـه الله حفيـظ
تنتفض لاحرار من عيشة الـذل انتفـاض=يوم ولد اللاش في الـذل يعجبـه المقيـظ
ما درينا وش ورا ضحكة القاضي عيـاض=لين قدّامي عياضٍ كشـف عـورة معيـض