السلام عليكم رحله الى الظلم قصه حصلت لي

اردت ان اطرح موضوع وموقف مر بي وهو سبب كرهي لي الطايف :

في اجازه من الاجازات قررنا انا وصديقي الذهاب الى مكه والطايف وجنوب المملكه ويليتنا لم نذهب :
العفو ابي اكتب بلهجه العاميه عشان افضي حرتي

رحت انا صاحبي الى الرياض عبور لطايف وحنا اثنين وبعد ما وصلنا الى الطايف مرينا السيل واخذنا غرفه صغيره بسعر لا يعقل وبعد ما صحينا من النوم اتجهنا الى مكه المكرمه واعتمرنا وبعدها رحنا الى الطايف اول مره نروح لطايف وبحكم ان الطايف سمعتها حلوه وكرم الطايفي وطايف احلى مناطق المملكه يعني سمعه ولا احلى رحنا الطايف وقررنا ان ننام في الشفا وقبل ما ننام كان في جيب ابيض يدور حولنا ومر من عندي انا خص وشافني وشفته وابتسم وراح وانا قلت طبعن ياحلو اهلها ما الوم الناس وهنا تبدا المعناه :
شرينا خيمه من البلاستيك طبعن الاسعار ما يحتاج ولا ارخص في الطايف وقررنا ننام بعد ما نمت انا وصاحبي في نصف الليل سمعنا صوت مسجل قوي وقمنا وشفت رجال عففن مو رجال كنت احسبه رجال المهم شباب يعني في عمرنا 22 او 21 سنة تقريبن كان متجه الى الخيمتنا وحنا في فرشنا نشوفه جاي قام صاحبي له وقمت انا قلنا تفظل وقال لا بس شفت الشاهي وجيت انا معي اخويياي البريق حق الشاه يكان من عزبتنا طبعن حنا طيبين على نياتنا استحينا وقلنا خلاص نبي نصخنه ونجيبه لكم وسبحان الله كان المكتوب مكتوب لا محاله صخن صاحبي البريق وانا غسلت الكاسات ورحنا نوديه وعلى لحظت السلام جاء راعي الجيب الابيض بسرعه ونزلو 4 رجال لحى[مطاوعه] ومعهم عسكري وقال وقفو لا احد يتحرك كل واحد يبعد يديه عن ثوبه ولا احد يتحرك وفتشنا وخذ اثباتتنا وجوالاتنا وبعد التفتيش لقى في بوك واحد منهم [حشيش] نوع من المخدرات وقال وش هذي حشيش هاه قال راعي البوك فلان حطها فلان واحد من اخوياه اللي معه وصارو احزاب 2 و2 هم اربعه وبعدين التفت لنا وقال وانتم قلنا حنا اول مره نشوفهم وانت شايفني قبل شوي عند الخيمه لحالي وابتسمت وقال واحد منهم هذولا ترى ما لهم دخل من الدمام واول مره نشوفهم وقال الهيئه لا انتم مجهزين السهر سوا من اول
وقال لنا بل اسلوب هذا [جايين من الدمام تحششون هاه اوريكم الشغل انتم ما تربيتو ] وقال خويي حنا متربين احسن تربيه وبغاا يضربه بعد سب وكان وجهه سبحان الله ودر مايل الى السواد وكان معاه واحد على العكس وجه ابيض ويبتسم وكان يقول لنا والله اننا ندري انكم ما لكم علاقه بس هو المدير ما اقدر اسوي شي وبعدين بعد تفتيش الجولات والاهانات كتبو تقرير فينا كلنا السته وحنا معهم وانا احلف انه كان يدري اننا مالنا علاقه ولا نعرفهم وبعدين كان في اختلاف كبير في اللهجه بيننا بس اصر الا حنا وهم ودونا الى الهيئه ولا دخلنا كنا في السياره نزل هو والمطوعه اللي معه وخلونا لحالنا بسياره وكنا نسمعهم الشباب اللي مسكو معهم الممنوع كل واحد يحطها بثاني وكل واحد يقول انا على قضيه وانا موضف عسكري والثاني يقول انا طالب في جامعه والثالث يقول انا علي سابقتين من اول طبعن انا وصاحبي نطالع بعض ونقول حنا وين جينا هنا وواحد منهم كان متخدر ولا يدري بشي يكلمه واحد يطالع في الثاني المهم جاء الشيخ الطيب وقال لنا انا وصاحبي والله حاولت فيكم انكم تطلعون بس عيو لازم يعترف راعيه اول قلنا لهم اعترفو وريحونا قال واحد فيهم للي الشيخ والله ما لهم دخل هذولا ضيوف المهم ما اعترفو انها لهم المطوع الرئيس من نجاسته سلمنا كلنا الى المكافحة المخدرات في الطايف يوهههههه ياالاشكال اللي هناك والله انهم شبه مجنين واحد يسحب الغيم واحد يكلم نفسه ويضحك تخيل انك مكاني وعندك حثالات زي كذا موقف صعب والله بس ما راح تحسون زي ما تشوفون المهم استلمونا المكافحه وفتشونا تفتيش خلها على الله المهم ودونا كلنا الغرفه الي فيه الحثلات وكان في جندي حارس الباب حق الغرفه واسلوبه كأنه عايش في غابه كلام وسخ وتعامل اوسخ الرابع الي كان باين عليه المخدر فرحو فيه ما بين سم وضحك وظرب المهم ودونا الى الغرفه عشان بكرا يودوننا التحقيق انا وصاحبي في الغرفه كأننا طلاب جدد في صف هاجدين ومؤدبين ولا نكلم احد واحد من المحبوسين قبلنا سألنا وش قضيتكم وحنا نطالع في بعض ونبتسم والكل منا يقول [والله مو مكاني ] المهم ما جانا نوم وجا الصباح يا صباح الهم ودونا التحقيق طبعن اسمينا ما بين حثاله وتحفه وابله الحمد لله ما ضربونا بس شبعنا سب وحنا مالنا دخل بعد الظهر وقفونا على الجدار ولا احد يتكلم المهم الضابط اللي كان يحقق معنا غير والضابط اللي يحقق معهم غير وبعد العصر قررو يطلعوننا وبعد ما جينا نبي نطلع اغرضنا وفلوسنا عند واحد اسمه حق الامانات انتهى الدوام حقه وبعد ما كلموه قرر انه يتنازل ويجي ولا كانو يبون يردوننا للغرفه ايين بكرا المهم جاء بعد 3 ساعات وعطانا اغرضنا ومشينا ولحظت تفقدنا اغرضنا اتضح ان الممري اللي في الجوال مفقوده وسألنا عنها وقالو عند الهيئه الممري فيها كل طلعاتنا وسفرتنا يعني ذكريات قديمه وغاليه خوش ضيافه في الطايف المهم رحنا نبي الهيئه عشان ناخذ الممري وحنا في الطريق وقفنا راعي كامري ونزل عندنا عسكري وراح قلنا وشفيه قال الاشاره كانت حمر ومشيتو وحنا يا جماعه مشينا وهي خضرا وصارت صفرا بعد ما مرينا المهم رحنا الحجز وحنا طالعين من المكافحه على طول وبعد ما كلمنا العسكري اللي ركب معنا وقلناله قصتنا قالل شكل عمرتكم خطأ هههههه المهم رحنا الحجز وحجزو السياره وركبو صاحبي باص وانا ابركب وعيو قالو لا بس السائق قلت انا ما اعرف احد خوذوني معه قال انزل بس لايكثر نزلت طبعا المخالفه دفع فوري 300 ريال قال العسكري اللي جاء معنا ماعليك يسدد ويجي واذا خذا اكثر من ساعه دق على عطاني جواله صاحبي خذا 3 ساعات ما جاء كلمت العسكري وقال شوي وانا اجيك بعد ساعه جاء ورحت انا وياه للحبس كان في واحد عسكري صاحب العسكري خوينا وكلمه وهذاك قال لا يابوي انا مالي خص كلم الرقيب فلان شوفو الخوه كيف ؟؟؟؟ المهم كلمت انا واحد وعلمته السالفه كلها علشان يرئف بحالنا شوي ويساعدنا تدرون وش قال ؟؟؟؟؟ قال حنا اللي ضربنا النبي يابوي اش جابك بل اسلوب هذا المهم من القهر بغيت ابكي غريب في ديره ومنذل ومنهان لا بعد يفخر انه ضرب النبي يعني شي لا يعقل

طلع خويي بعد 6 ساعت وحلفنا ان ما عاد نجي الطايف ابد
يعني شي لا يعقل من هيئه الى مكافحه من مكافحه الى حجز ورجال ما تعرف حق الضيف وناس ما فغيها نخوه مع الاسف كل الاسف انهم بجوار مكه

تقبلو تحياتي امل اني ما اطلت عليكم

عطر الروح هلابك ياصباح الطيب

بدر


يسعد صباحك



.:)



من حقكم تكرهون الطايف بعد اللي صار




لا هنت



تقبل مروري

مرحبا فيك

هلابك عسى ما يجيك بس ممكن عندي اسئله كثيره

1- كيف ارسل رساله خاصه
2- كيف اعدل معلوماتي
3- انا اول مره ادخل منتدا الله يعينك على اسئلتي

الله لا يهينكم على المرور الحلو

اخوي سلمان من السهل ان اقول مثل كلامك الملي بطيبه العاكسه طبيعتك الحلوه بس من الصعب لو شفت بعينك انك تعيد كلامك
كأنك غريب في ديرتك على العموم مرورك اسعدني كثير

عطر الروح
الشرح واضح جدا ما قصرتو الله لا يهينك

اخ بدر .....


لا تعم ...وكل ديرة فيها مقبرة ...


وحنا أهل الشرقيه أحسن ناس بالضيافه ....


الطابف حلوة بس تعاملهم مو حلو ....بس فيهم القله الطيبة ,,,


واذا سافرتوا مره ثانيه امشو ع الرصيف ....

وسفرة سعيدة....

ههههههههههههههههاي ابرك رحله الحمد لله على السلامه لو انهم حطوك مأبد انت وخويك والزقت التهمه وش بتسوون خخخخخخ ..


يازين جو الطايف ليته يجي عندنا ويكفينا منهم ..


تقبل مرووري استمتعت بما قرأته (: