ياخفوقي خبرتك دوم تهوى القصيـد=في بحور القوافـي تستمـد الخيـال
بكتب اللي بغيته فـي حبيـبٍ فريـد=يدري إني أحبه بـس قاطـع وصـال
ماخبرت الليالي تشتكـي يـوم عيـد=حتى اصبح وصاله فيها صعب المنال
شوقي يدفع حروفي وألامانـي تزيـد=كل ماستغرب الخفَاق يطـرح سـؤال
أنت يالصاحب اللي دوم عايش سعيـد=وأنا فكري من اجلك بين شرق وشمال
قد عرفت الحقيقه يـوم ذاب الجليـد=وأحتويتـك دقايـق بالدّفـا والظـلال
من لقيت أتصالك قلـت مانـي بعيـد=كم سهرت الليالـي ارتجيـك اتصـال
يافريد المزايـا صـار حسّـك بليـد=كـم تأخـرت عنّـي وأعتبرهـا دلال
ياحبيبي تمهل جـاك علمـي وازيـد=ما أحب التلاعب مـع كثيـر الجـدال
لو نويت الموادع عطني قـولٍ مفيـد=لاتسهًر هواوي فـي وعـودك ليـال
هاذي شهرين مرت وانا عايش وحيد=لعبة الصد عندك مـن فنـون القتـال
كان ردك تأخر وانت قاسـي عنيـد.!=عزة النفس تبقى لـو تنـادي تعـال
ياخفوقي عطيتك راي وافـي سديـد=لو جماله خيالـي .. مايهـم الجمـال
اقدر القى بداله وأوفـى منـه اكيـد=بعد مافاض صبري .. جاوز الاحتمال