مصير الحي يتلاقى تجي وأذكرّك بعدين=تذكر زين هالجمله ولك فائق تحياتي
على هونك أنا قلبي قسى لاتجرح السكين=ترى ماني على خبرك أشوف الناس في ذاتي
ألف شكرًا على التجريح وبعتبرّه عليّه دين=وأنا لازم أسّد الدين بالكامل ولاتحاتي
بحاول قد ماأقدر أرد الصاع لك صاعين=يجوز إنك بلحضتها تميّز ويش معناتي
لزوم أعلمك منهو أنا ولا أنته المسكين=بسيطه وين دربك وين وأنت بكل وجهاتي
لك الله لو تموت أبسئل الحانوت حطك وين!؟=بما معناه وين تروح وصرت أهم غاياتي
عليّه نذر ماأضحك وفوق النذر حلف يمين=ألين إنك تجي خاضع تحت رجلي لمرضاتي
قسم لعطيك درس بيوم ماتنساه عشر سنين=وأعيده لك بثاني يوم أجرب فيك قدراتي
أنا ماني قليّل شر والله ولا قصير يدين=وإذا ودي أعديها أعديها بمشهاتي
خطاي إني رفعتك فوق وأنت أبن الوحل والطين=كان المفروض من أول أراجع كل حساباتي
حسبتك الرفيق اللي على جور الزمان يعين=وجيتك يوم ضاقت بي وخابت كل هقواتي
ومدامك دست عشرتنا أجل بالمعرفه طزين=وتبقى حيّ بين الناس ولكن مت جواتي
لعلمك بس وأستوعب مايرفع قدرك القرشين=أنا رمز الفقر لكن بأسيادك علاقاتي
ترى الرجال ماهو بكثرت أمواله عن الباقين=ولاهو بشعرتين الوجه ولوطالت شنباتي
تعرف الرجل بأفعاله مثل السيف أبو حدين=بيعطي حق وياخذ حق وركز في عباراتي
ماعاب الفقر سيدنا محمد والغنى بالدين=كثير المال مايغني إذا فقري بحسناتي
بكلامي معك كبرتك وأنا لو أبترك نصفين=عليّ أهون ولاأوصخ بشخصك وجه كلماتي
حسافه ليتني ماجيت أدوّر أقرب الغالين=أجي هارب من أوجاعي وأطيح بيد معاناتي
ماعاد الصاحب الصاحب وكل الخلق في وجهين=حقيقه شفتها بعيني وتحكمها قناعاتي
فعلنا الطيب فالأقرب والأقرب صار فعله شين=والأقبح عذره من ذنبه إذا بيّنت شرهاتي
دمحنا ألف زله كلها من شان خاطر عين=عمى بالعين هذي كانها ترضى بإهاناتي
إذا هالناس دجاله أنا دجلت دجالين=ودجالين هالدنيا هم أصحابي وحبيباتي
أبي العب على الحبلين وأرقصك ع الحبلين=وساعتها تبي تركع على أقدامي وخطواتي
لأنك أنت تعرفني وتعرف ويش جابر زين=وتعرف أني شخصيه تطابق كل كتاباتي