مايطلع الروح غير الموت والحاجـه=والموت هيّن لكّن الحاجه مصيبه
لاحدك الوقت بين الليـل واسراجـه=ماتميّز العمر.. من كثـرة عذاريبـه
يهبّ..ياجرحي اللي ماعرف علاجـه=يهبّ من كثر حزني صعـب ترتيبـه
الكذب..بحرٍ كهل وتخرّف امواجـه=والصدق طفلٍ حبيب وعيب تكذيبـه
واشيب عيني وآسقم الرمش واحراجه=الدمع ضيفٍ نسـى قيمـة معازيبـه
يابابي اللي خشبـك يخـور مزلاجـه=ياجدري استح على ظلك وشف عيبه
والله يعـزّ العزيـز ويكتـب فراجـه=ويصبّر الصابر اللي شـاف تعذيبـه
شوف العدالة بتـال العمـر منعاجـه=وياصاحبي خلها بالقلـب تمـي بـه
مين احتري كـل يواعـد ولايواجـه=ومن يقبل البعد عيب اقبـل بتقريبـه
صاحبك مل الظما مـن دون هداجـه=وكلمـة توديه وييين وكلمـة تجيبـه
هرج سمعتة وهـرج غـاب هرّاجـه=وهرجٍ على اول لساني ماقدر احكي به
راع الجمايل يضيق ويضحك حجاجه=وراع المطاليب ماتقضي مطاليبـه
هذا علـى سنـة الاسـلام منهاجـه=وهذا لو يموت ماتدري وش اللي بـه
وهذا لو ان الفرج مسفوط بادراجـه=ماينقذ اللي صبر لو مات يرجـي بـه
الليل مايقدّي الظلمـا مـن سراجـه=والشمس بكرة تبيّـن كـلٍ وطيبـه
اموت واحيا وراسي مانهـزع تاجـه=وابقى على عزتي لو طالـت الغيبـه
وان خيروني مابين الموت والحاجه=اختار موتي واقول الحاجـه مصيبـه