إخواني

أريد أن أعرض عليكم مجموعة من القصائد أرجو منكم أن تبدو رأيكم فيها بكل صدق

خصوصا من النواحي الفنية. لا أريد مجامله

فهذه لصديق يحب أن يعرف هل كتابته للشعر صحيحة أم لا

أرجو منكم إبداء الرأي والنصيحة

ياليت من قال النصيحه سمعنـــــــاه ~~~~ من قبل كاس الغبن يملا فــــؤادي

دورت انا عالصبر كود اني القاه ~~~~ ياليت لك يالصبر حراج ومـــــــزادي

البايق اللي ياعسى النار تصــــــلاه ~~~~ اسود الوجه بين حضر وبـــــوادي

الوجه كرش والجلد جلد حربـــــــاه ~~~~ عايش على دم البشر والعبــــــادي

يازين كــــرباج البقر عامقفـــــــــاه ~~~~ وانته خلي الجو وبــــــراس وادي

وعليك جزمات الكرد ثمٍ توطـــــــــاه ~~~~ حتى يعرف من الله طريق الرشادي


الثانيه

هات القلم واكتب من الشعر بيتين ~~~~ لأهل الوفا اللي لها القلب صافــــي

الرِجِل تمشي في هوى المحبيـــن ~~~~ والعين تبدي ما حوى القلب خافـــي

والبدو في ديرة الحضر صنفـيــن ~~~~ منهم هفا ومنهم على الموج طافـــي

جتنا حمايل يا عرب طبعها شـيــن ~~~~ قامت تغيّر في اللحن والـقــوافـــي

في القصر يزيدوا على الصوت صوتيـن ~~~~ وتخور فيه مثل البقار العجافـــــي

يسوو سوايا بالفرح تخزي العيـــن ~~~~ تعكّر ميـــاه النيــل لصار صافــــي

لا همهم من يتْبع الشرع والديــــن ~~~~ ولا همهم من يسكُـنون الفيافــــــي

موروثنا ما يشترى بالملايــيــــن ~~~~ ونذود عنّه بالسيوف الرهافـــــي


الثالثة


قالوا علامك طول الوقت ماتشيـــب~~~~وانته عليك الهم ناصب خيامــــه

قلت الحمد لله رتب الوقت ترتيـــــب~~~~وأخّر حسابه لين يوم القيامـــــه

من رافق الاشــــــــراف يبقى على الطيب~~~~ومن رافق الانذال ينزل مقامــه

لاتخاوي اللي مايعرف المواجيـــــب~~~~ولو ضحك لك ثم ليّن كلامـــــــه

لاتقول عفن وبندقه مالها صيـــــــــب~~~~تراه يرميك مايعرف الكرامـــه

يبيع الجماعه كلهم بس يركب الجيب~~~~مصاص دم مثل مص الحجــــامه

عايش على الخمـــــلات مايعرف العيب~~~~منها يترزق والحصيله ندامـــه

ومدرب على هز الاذناب تدريــــــب~~~~ يهز ذيله مثل ذيل الحمامـــــــه

مره مشرّق ومره مع الناس تغريـــب~~~~عساه ياقع ماتقله عظامـــــــه


شاكرا لكم صدقكم

المقفي


صح لسانه


فيه كسور كثيره بكل القصايد الثلاث


مع أن شاعريّته موجوده وأتوّقع اللي كتب مثل هالقصايد قادر على أنه يتجاوز مرحلة الأوزان بسهوله


لاهنت ع النقل


تقبّل مروري.

اخي قصاايدك فيها شااعريه لكن عليك ان تنتقى مفرداات اجمل






صح الله لساانك وفكررك






تقبل مروري المتوااضع





تحياتي.

المقفي



صح لسان شاعرها




تقبل مروري