ياهاجسي دام القصايد لها دور= في وقتها حضِر وحضِر دررها
عليك تجمعها فالامام طابور=وعلي ارتب بالمعاني صورها
ما تجذب العميان وم ناظر العور= أما المفتح فاهم ٍ وش خبرها
يُقال بالشعار سابح وهامور= والا البقيه غارقه في بحرها
احد(ن) نهل ابداع للقاف دكتور= غيره بيوته قايمه ماعمرها
الساحه اللي ربعها اذياب واصقور= انا وشعري مانحٌسِب خطرها
آكل مع الشعار ما اقلط علي السور= شوك المثايل قاطف ٍ من زهرها
لاشك أنَي مبتدي فوق مغمور=لكن افرِق بطنها عن ظهرها
العزم يدفعني وقدامي احفور=يطيح بالحفره أخاً لي حفرها
ان ما رقيت العالي وصرت منضور= والا بلاش امن القصيد وسهرها
ياسامع الامثال بفكارك البور= سحابة ابياتي يشوقك مطرها
تذكير للجهال والحال ميسور=نصايح إل نفسي وشخص ٍ بصرها
يابن ادم الدنيا كما جسر معبور= فنهايته حشٌر وسِراط وفخرها
جناتها ياعاشق امعاشر الحور=مازالك إبدنياك جهز مهرها
صلاه وصوم وحج وإحسان مستور= وزكاه وشاهد قبلها وابدبرها
أن لا إله الا الولي رافع الطور=وانْ رسول الله مُحمد نشرها
رسالة المعبود بكتاب مسطور = بلغ وحذر والعواقب ذكرها
كم راحت إسنين ٍ وكم مرن اعصور= مادامت الدنيا لصفوت بشرها
أفراحها وقت وملذاتها أقبور=بعد السبوع يمر باقي شهرها
من هو ملك فيها ملايين واقصور= سعادْته لوتشترى ماذخرها
لاصرت هذا اليوم رايق ومسرور=أحسب لباكر لاتلْون وبرها
العاقل يدقق ويميز بالامور=والجاهل بيومه جهوده زبرها
طبع الجمل مايبرك الا علي الزور=لاحطوا الحمله بظهره قدرها
واللي بحمله دونه الضلع معثور=لابد يميز بين سهل ووعرها
يضيع فالظلمات من يطفي النور= والعاليه تصعب علي من نظرها
لاتقطع الأمال والكسر مجبور= من جد ياجد لو خيالك جبرها
دنياك أرض ٍخاويه فوق تنور=ماينتظر محصول من لا بذرها
لاتامن أيامك ولوتفرش ازهور= واضحك بسنك لوزمانك عثرها
الهم لا اشرف واصبح الصدرمحشور= ضكه ولاتبدي إل عدوك قشرها
وعن غِيبة الغِياب والكذب والزور=امسك لسانك والشتايم تذرها
ماكل مايطري علي الخاطر يثور=الرجل يثمن هرجته لاحشرها
ولاتستمع من خدمة النذل مشكور= ليا سلم مقفاك عده شكرها
أنصح لو إني بالمواجيب مامور=لون البياض ابلحيتي ماغزرها
لكنها الدنيا بها الدرس مخبور=عايشتها باخبار ماضي عِبرها
تزين بعيوني بعد لحظه إدور=اغرتني احلامي وسدت نحرها
تلعب بي اوهام ٍ بها الوقت مهدور= تسنح لي الفرصه وحظي هدرها
انا بحكم الله راضي ولا اجور=هذا قضا نفسي يقدم قدرها