البـارحـه مابـيـن وشـلــون يـمـديـك = فـي يـوم واحــد ياحبيـبـي تغـيّـرت
الـلـيـل خـلانــي وخــــلا طــواريــك = تلعـب بقلبـي كــل ماداخـلـي ثــرت
سويـت شيـن حدنـي غصـب ماجيـك = والا قـبــل لاسـيــر الـلـيـل ســيــرت
هدمـت كـل الـلـي بنـيـت بتجافـيـك = هــدمــت لا والله بـالـعــون دمــــرت
خليتنـي ماقلـت لـي شلـون اخلـيـك = ليتـك بحالـي قبـل مارحـت نـاظـرت
الله كـريـم يصـبـر اشــواق مغـلـيـك = لاقــام ينـثـرنـي غـــلاك وتـنـاثـرت
والله يسامـح قلبـي الـلـي موالـيـك = اخذت كـل اللـي تبـي منـه وانكـرت
منهـار جيـت العـام تسبـق خطاويـك = واليـوم ماكنـك قبـل جيـت وانـهـرت
فـي ذمتـك لامــن تـذكـرت ماضـيـك = من يطري في بالك اليامن تذكرت ؟
مـن كثـر مافكـرت وشلـون اراضيـك = ويـاك فـي نفسـي ولا يـوم فـكـرت
علـى كثـر ماكنـت متمسـكـن فـيـك = وعلـى كثـر ماحتجتـنـي ماتـعـذرت
جيتك وعنـدي حاجتـن بيـن اياديـك = والمشكـلـه تـقـدر عليـهـا وقـصـرت
رح بشـر اللـي ملتفـت لــك ينـاديـك = قـلـه تـركـتـه لـخـاطـرك مـاتـأخـرت
صدقنـي انهـا غلطتـي يـوم اداريـك = ولا انـت لـولا غلطتـي كـان ماصـرت
كبـرتـك بـعـيـن البـعـيـد وحـوالـيـك = ابـيــك تـكـبـر والمصـيـبـه تـكـبـرت
حاولـت اغيّـر فيـك مـن كثـر مغليـك = قــــدرت لـكـنــك عـلـيّــه تـغــيّــرت
حاولت اغيّر فيك من كثر مغليك 
النمط الخطي
