غاب نور القمر واخذنـي الهاجـوس=بين جمعٍ غفيـر وضعـت فالطوشـه
فيه ناسٍ تحوس وفيه نـاس تـدوس=مير انا رحت ماقـد قامـت الهوشـه
رحت من واهجٍ جوى الحشا محسوس=اوجـده حـبٍ تحاصرنـي جيوشـه
خش للقلب سيده حرفنـت جاسـوس=شيّد البيـت واسـس قاعـدة حوشـه
حط له في هوامش مهجتي قامـوس=ذكرياتـه علـى الأظـلاع منقوشـه
واعلن انه ملك قلبي وحاسه حـوس=واسكنه مهـرةٍ بالطيـب مرشوشـه
اوقدت بالغـلا فـي قلبـي الفانـوس=فاتنـة زيـن جـذابـة وفرفـوشـه
كونت من تجـارب ماكتبـت دروس=اكتب التجربـه والصبـح ملطوشـه
واعلنت شرشحة قلبي بحـد المـوس=بعد ماكـان فـي جنـات معروشـه
تشعـره بالحنـان وتنبلـه بالـقـوس=جفنهـا صوبتنـي حـدة رمـوشـه
بعد خلت سعد فـي حبهـا مهـووس=ارسلت وجههـا الثانـي بشاكوشـه
جددت قصة الريس مـع المريـوس=بعد صارت فصول العرض مغشوشه
واخسرت قلب ماسام الذمـم بفلـوس=طيبتـه للقلـوب البيـض مفروشـه
من تضنون حضه فالحدث منحـوس=صاحب القلب والا صاحب الشوشـه
شرشحة قلبي 
النمط الخطي
