يادار حزنك حزن، وطعونك طعون=آمالك أحزان ، وطواعينك آمــــال
متخالط ٍ في خاطري ضيق وغبون=أستلهم الذكرى على روس الأطلال
للقلب "محبوبه " وللعين مظنون =يشقى بها قلبي ويزهي ويختال
ولي صاحب يسوى من الناس "مليون"=عز الرفيق وفزعته تشرح البال
نعم الرفيق اللي ينومس ودندون=ان صكت الدنيا من الجال للجال
له فالمدايح "ضول " عربان وظعون=له فالـــقـــدائم مجد باقي ولا زال
من عزوة ٍ تشفي ضهد كل مغبون=بشرى الحياء للأرض من عقب الامحال
يانايف ادفع للمواجيب عربون =وليا يخسئوا هراجة القيل والقال
الشــــــعــر لو إنه مقفّى وموزون =ان ماضمد جرح الصواديف بوصال
لاريب لو كله تعاجيب والحون =في ذمتي ذمة مايسوى له ريال !
تبقى وروق اهل المعاريف يبقون=اللي لهم في قمة المجد منزال
وبالعون يالروقي وانا اخوك بالعون =من يترك الميقاف ماهوب رجال !
نايف الروقي 
النمط الخطي
