افتح شبابيـك المحبـه والابـواب=ضيفك على بابك له ايـام وشهـور
رحب وقلطني على كـل الاقـراب=منته على الهجران والجرح مجبور
الحب ماهو لعبـة اطفـال بالعـاب=ولاهو كتابات المـدارس بطبشـور
الحب دستور المشاعـر للاحبـاب=يكشفلك اللي داخل القلـب مستـور
القلب من حبك ترى حيل منصـاب=انا الجريح اللي صرخ قال مشكور
الجرح بسبابك ولا قصدبها اعتـاب=انت الغلا والحب والورد وزهـور
وانت الحلا والملح بالزيـن جـذاب=حلاك في عيني مثل مال وقصـور
ولا مثـل منظـر بساتيـن خـلاب=حلاك مايحتـاج نشـده ولا شـور
سبحان من سواك حيـرة الالبـاب=العلم فيك احتـار والعلـم معـذور
لو بوصفك مقدر ولو كان بسهـاب=لان الحلا والزين في جسمك بحور
الوجه يبغى وصف وعيون واهداب=يصعب على الشاعر ولو كان دكتور
والحين قوم اليوم وافتح لي البـاب=وشوف الحنين اللي له ايام وشهور