تعودنا على الحزن وتعودنا على الغربال=تفضل روح ماتنزل دموع الحزن من عيني
كفايه لاتعذر مابقا بعد الصدود إوصال=ولا أدري وش حصل مني على شانك تصديني
أنا من صغر سني ماشربت من الحياه إزلال=شربت المر بالدنيا ولا أدري كيف يرويني
عرفتك قلت ترويني عشي من وبلك الهمال=وأنا أدري كل ما دبر خيالك ماعرفتيني
أنا رعد الهموم وبارقك أدري بدون إخيال=ولو جاملت بالظحكه ترى حزني إيغطيني
صبرت وصابر وبصبر ولو ظيم الليالي طال=وحزني لو إيظايقني بها الدنيا إيسليني
ترا ماعاد باقي في خفوق الرعد لك مثقال=مسحتك من حنايا الروح يوم إنك مسحتيني
ولو حبك سكن في داخلي مده كذا ينشال=من أقصى عرق بعروقي وأنا أدري مايبكيني
تراها أكبر مذله يوم تنزل دمعة الرجال=يموت...وينتحر دمع المولع بالشراييني
تعودنا على الهم وتعودنا على الغربال=تفضل روح ماتنزل دموع الحزن من عيني